2022 оны 3 сарын 12-нд Хайрхан Хөгжлийн Төв"ОНӨТҮГазар"-ийн хөлбөмбөгийн талбайд болж, эрэгтэй багууд 2 дивизонд хуваагдаж Рагби 10 төрлөөр өрсөлдлөө.

Харин эмэгтэй багууд Точ рагби буюу контактгүй төрлөөр өрсөлдөж, 2022 оны улирлын нээлтээ эхлүүллээ.

Дивизон 1-д Хан-Уул, Ангууч Арслангууд, Дайчид клубүүд өрсөлдөж Хан-Уул РК аваргаллаа.

Дивизон 2-д Анхдагч Чононууд, Ирвэсүүд, Спартанс клубүүд өрсөлдөж Анхдагч Чононууд РК түрүүлж, ирэх жил Дивизонд 1-д тоглох эрхээ авлаа.

Эмэгтэйчүүдийн төрөлд Дайчид РК Чийтас болон Хан-Уул РК-тэй тоглон 2 хожил авснаар 2022 оны улирлын нээлтийн тэмцээний аварга боллоо.

Хаврын Рагби 10 АШТ-ийг зохион байгуулахад олон улсын стандартын талбайгаар хангаж, дэмжин ажилласан Хайрхан Хөгжлийн Төв"ОНӨТҮГазар"-ын нийт хамт олонд талархсанаа илэрхийлж байна.