Рагбигийн спортыг олон нийтэд таниулах, сурталчлах, түгээн дэлгэрүүлэх мөн Монголын Рагбигийн Холбооноос клубүүдийн дунд зохион байгуулагдах тэмцээнийг байнгын буюу /жилийн 4 улирал/ тогтмол явуулж байх үүднээс 2013 оноос эхлэн цасны рагбигийн тэмцээнийг уламжлал болгон зохион байгуулж ирсэн билээ.

6 дахь жилдээ зохион багуулагдсан цасны рагбигийн аварга шалгаруулах тэмцээн 2018 оны 2-р сарын 24-өөс 3-р сарын 17-ны хооронд 4 долоо хоногийн турш явагдсан бөгөөд тойргийн системээр амжилттай зохион байгуулагдсан юм.

Тус тэмцээнд нийт 6 клубын эрэгтэй 90 гаруй тамирчид авахаалж самбаа, эр зориг, хурд хүчийг сорин өрсөлдөж 2018 оны 3-р сарын 17-ны өдөр аваргуудаа шалгаруулсан билээ. Үүнд:

• Андагч чононууд рагби клуб Аваргын цом, алтан медаль
• Хан-Уул рагби клуб Дэд байр, мөнгөн медаль
• Хөх толбот дайчид рагби клуб Гутгаар байр, Плайт цом, хүрэл медаль
• Ангууч арслангууд рагби клуб Дөрөв дүгээр байр
• Ирвэсүүд рагби клуб Тав дугаар байр, Боул цом
• Аварга зөгийнүүд рагби клуб Зургаа дугаар байр эзэлсэн юм.

Мөн тус өдөр 4 долоо хоногийн турш шилдэг тоглолтыг үзүүл статистик үзүүлэлтээрээ бусдыгаа манлайлсан Анхдагч чононууд рагби клубын төвийн байрлалын тоглогч легионер тамирчин Жое шилдэг тоглогчооор нэрлэгдэж цомын эзэн болсон билээ.