Монголын Рагбигийн Холбооны 2022 оны тэмцээн уралдааны тов гарлаа. Цар тахлын улмаас өнгөрсөн жил МРХ-оос тамирчдынхаа эрүүл мэнд, аюулгүй байдлыг хамгаалах үүднээс тэмцээн уралдаан зохион байгуулаагүй билээ.

Харин бид 2022 оноос тэмцээн уралдаанаа дахин зохион байгуулахад бэлэн болоод байна.

МРХ-ны 2022 оны дотоодын тэмцээн уралдааны календар:

Биднийг энэ онд маш олон сонирхолтой үйл явдлууд, тэмцээн уралдаан хүлээж байна.

ЕБС-иудын АШТ /11-13 нас, 14-17 насны ангиллаар/ зохиогдох ба Рагбигийн төрөлжсөн сургалттай ангийн тамирчид энэ удаагийн тэмцээнд оролцох гэж байгаагаараа онцлог юм.

Зэсвэгт Хүчний Рагби 7 УАШТ-нд одоогийн байдлаар 30 гаруй анги нэгтгэл оролцохоор байгаагаа илэрхийлээд байна.

Рагби 15 УАШТ нь 2013 оноос хойш зохион байгуулагдаж байгаа бөгөөд энэ оны эрэгтэйчүүдийн Дивизон 1-ийн аварга багийн шагнал 10,000,000 төгрөг болж, багуудын өрсөлдөөнийг нэмж, хамгийн өндөр шагналтай тэмцээн болж байна.

Бид Ковидын халдвар болоод тухайн үеийн байдлаас шалтгаалан тэмцээнд эргэн оролцох тамирчдын эрүүл мэнд, аюулгүй байдлыг хамгаалах журмын хүрээнд Тамирчдын аюулгүй байдлыг хариуцсан хорооны саналаас хамаарч тэмцээнд өөрчлөлт орох боломжтой гэдгийг мөн сануулж байна.