“Ард Санхүүгийн Нэгдэл ХК” нь Монголын рагбигийн спортын хөгжилд үнэтэй хувь нэмэр оруулан 2018 оны Монголын Рагбигийн шигшээ багийн ерөнхий ивээн тэтгэгчээр ажиллах гэрээнд гарын үсэг зурлаа.
Гэрээг МРХ-ны ТУЗ-ийн гишүүн П.Батбаяр, “Ард Санхүүгийн Нэгдэл ХК”-ий Гүйцэтгэх захирал Ч.Ганхуяг нар байгуулав. Гэрээний дагуу “Ард Санхүүгийн Нэгдэл ХК” нь 2018-2019 оныг хүртэл хамтран ажиллах юм.
Хамтын ажиллагааны хүрээнд Монголын Рагбигийн шигшээ баг 2018 оны 5 дугаар сар 16-19-ний өдрүүдэд Казахстан улсын Алмати хотод зохион байгуулагдсан Ази тивийн Төвийн бүсийн 3-р дивизийн аварга шалгаруулах тэмцээнд амжилттай оролцож Гуравдугаар байрын цомын эзэд болсон билээ.
Монголын Рагбигийн шигшээ багийн ерөнхий ивээн тэтгэгчээр ажиллахаар болсон “Ард Санхүүгийн Нэгдэл ХК”-ий нийт хамт олонд талархал илэрхийлж, ажлын амжилт хүсье.