Монголын Рагбигийн Холбооны 2022 оны Шилдгүүд тодорлоо.

Монголын Рагбигийн Холбоо нь 2022 онд амжилт бүтээлээр арвин жил болж өнгөрлөө. 2022 онд бид Ковид-19 цар тахлын дараа дотоодын болон олон улсын тэмцээн уралдаанд оролцож амжилтаа бататгахыг зорилгоо болгон ажилласан билээ.

2022 онд ЕБС-иудын Точ рагбигийн АШТ-ийг 2 насны ангиллаар зохион байгуулсан ба оролцогчдын тоог нэмэгдүүлсэнээс гадна Хаврын 10 АШТ, Зэвсэгт Хүчний Рагби 7 АШТ, Рагби 7 болон Рагби 15 УАШТ-дээ амжилттай зохион байгуулж чадсан билээ.

Мөн энэ онд Ази тивийн төвийн бүсийн Рагби 15 АШТ-нд оролцож 3 дугаар байранд шалгарсан. Олимпийн төрлөөр Ази тивийн Рагби 7 цомын АШТ-нд эрэгтэй, эмэгтэй шигшээ багаа оролцуулж чадсан нь хамгийн том ололт гэж бид үзэж байна.

• Шилдэг нээлт хийсэн эмэгтэй тамирчин Б.Оюунзул /Дайчид РК/
• Шилдэг нээлт хийсэн эрэгтэй тамирчин О.Балжинням /Дайчид РК/

• Шилдэг эмэгтэй тамирчин Ц.Зулаа /Дайчид РК/
• Шилдэг эрэгтэй тамирчин Б.Сод-Эрдэнэ /Хан-Уул РК/

• Шилдэг эмэгтэй багийн дасгалжуулагч БСолонготуяа /Дайчид РК/
• Шилдэг эрэгтэй багийн дасгалжуулагч П.Баярням /Хан-Уул РК/

• Шилдэг эмэгтэй баг /Дайчид РК/
• Шилдэг эрэгтэй баг /Хан-Уул РК/

Монголын Рагбигийн Холбооноос хэрэгжүүлж буй Рагбигийн төрөлжсөн сургалттай ангиудыг ЕБС-иуд дээр үүсгэх ажлыг эхлүүлээд байгаа билээ. Рагбигийн ирээдүйн тамирчдыг бэлтгэх үйлсэд хувь нэмрээ оруулж байгаа ЧД-ийн 72 дугаар сургуулийн багш Х.Болдбаатар, СБД-ийн Эрдмийн Хөтөч цогцолбор сургуулийн багш Д.Сумъяа болон БЗД-ийн 147 дугаар сургуулийн багш О.Хаш-Эрдэнэ нарт Талархал гардуулж, бяцхан рагбичиддаа МРХ-ны Ерөнхийлөгч П.Батбаяр гарын бэлэг гардуулж, спортын өндөр амжилт хүслээ.

#MongolianRugby #MongolianRugbyAwards