Зэвсэгт Хүчний Рагби 7 аварга шалгаруулах тэмцээн 2022 оны 9-р сарын 28, 29-ний өдрүүдэд Төв Цэнгэлдэх Хүрээлэнд амжилттай болж өндөрлөлөө. Тус тэмцээнд нийт Зэвсэгт Хүчний хот хөдөөгийн нийт 16 анги нэгтгэлийн 200 шахам тамирчид оролцсон юм.

Монголын Рагбигийн Холбоо нь Батлан Хамгаалах Яам, Зэвсэгт Хүчний Жанжин Штабтай хамтран ажиллах санамж бичгийг байгуулсан бөгөөд 2018 онд туршилтаар, 2020 онд Ковид-19 цар тахлын үеэр албан ёсны анхны Рагби 7 аварга шалгаруулах туршилтын тэмцээнийг явуулж байсан билээ. Энэхүү тэмцээн амжилттай болсоноор Зэвсэгт Хүчний анги нэгтгэлүүдийн Спортын наадамд албан ёсоор багтсан түүхтэй.

Зэвсэгт Хүчний Рагби 7 АШТэмцээн нь 4 бүсэд хуваагдаж тоглосон ба бүс бүрээс 2 баг шалгаран хасагдах журмаар тоглож аваргуудаа шалгаруулсан юм.

Рагби 7 АШТ-ий хэсгүүдээс шилдэг 8 багууд шалгаран, гал гарсан сайхан тоглолтуудыг үзүүлж 120, 350, 150, 084 гэсэн шилдэг багууд медалийн төлөө тоглолоо.

Тэмцээний байр эзэлсэн байдал:

• Цом, алтан медалийн эзнээр 084 дүгээр ангийн Бүргэдүүд
• Мөнгөн медалийг 150 дугаар ангийн Black Panthers
• Хүрэл медалийг 350 дугаар анги хүртлээ.

084 дүгээр ангийн Бүргэдүүд баг 2 дахь удаагаа түрүүж, хошой аварга баг боллоо.